إشما تهت ببحور حبّج
الگه ببحور القصايد سنبله
وآنه أحلم بالسنابل
وادري ريحانج عله
انتي ياعود الربيع
الخضّر بوسط الفله
يارياحيني الغفت وسط السهول
ويا قناديل المحّبة المذهله
من بساتين الورد تروي الشفاه
وانه عطشان وشفاي مذّبله
جنت ادوّرلج عطور الياسمين
لگيت گاعي مصّبخه وهم قاحله
روه كلشي البيج من ورد وخضار
من دمع عيني وحسرتي القاتله
وشفت بعيونج غوه وكلشي جديد
وعني ابداً مالگيتج سائله
انت من شعري تعلّمتي الغناء
احفظتي مواله وحداه ونايله
ما طحت يحليوه هذا انه
شباب
بس حياتي وياج دوم امعلعله
تمرمرت روحي وبگيتي
انتي بغواج
ردت اشوفك دوم حلوه امدلله
اشگد تجافيني اورد أسأل عليج
ومن بعيد اصرخ واصيحن ياهله