الرئيسية

الأخبار

محليات

المقالات

الثقافات

عالم حواء

منوعات

علوم صحية

تكنلوجيا

في الدانمارك

بطاقات

فنون

منظمات

اقلام

RSS

دليل الكلمات

المقالات السياسية
Arabic Danish English German Russian Swedish Turkish

 

2 دقيقة وقت القراءة ( 343 كلمة )

جمعة مباركة !!! / راضي المترفي

في الماضي كانت الجمعة سيدة الاسبوع وعروس الأيام وملتقى الاحبة وفيها احلى نومة صبح وممكن تسمع فيروز وانت تحت البطانية والفطور متاخر وملوكي فيه القيمر والكاهي ونمنمات وحمام وعطر ونعيما مرتاحة وكسل لذيذ واشحلاتها من تبقى بالبحامه لو بالتراكسوت وشعرك تسرحه باصابعك وتوم وجيري خابصين الدنيا والوالده مطكطكه حرمل وامبخره البيت وحمره خفيفه وديرم جاوي على الشفايف واخضيره ومسج يبرالها والحبابه مرضيتك بالليل وصاحية كلها نشاط وحيوية ومطلعه السمك البني من الثلاجه وشاكتهن ومنظفتهن حتى عمتها ترضى عليها وبحدود العاشره لو فوكاها شويه يندك الباب ويتكاطرون اخوتك ونسوانهم وخواتك ورجالهن وتتشابك العطور وتتخالف البوسات واتيه عليك الحسبه هذا ابن اختك لو ابن اخوك وياخذلهن ساعة بعرض الازياء هاي ثوبها احلى وهذا خياطته مضبوطه وذاك طويل وهذا بيه كصر بعدها يلتمن بزاوية وما تسمع بس ضحكاتهن وهنه يلفن دولمه والزلم ناس تلعب دومنه وناس طاولي وضرب الصايات عبالك قصف اما الزعاطيط فحدث ولا حرج بالبيت وبالحديقة العياط بفلس عبالك مدرسة والطوبه مره جايه عدل بالكلاص ومره بخشم مغلوب بالطاولي والوالده توزع ابتسامات وبوسات وجيبها متروس خرده وجكليت ونساتل وتستمر الحال حتى بوق الغداء وفرش السفرة بنص الهول وتتحرك الفجوج بكل الاتجاهات هذا يريد طرشي وذاك يصيح بصل والآخر يريد مي وواحد يبجي ما ادري عليش ومن تخلص هوسة جاي الغده تبدأ القيلولة واكيد الكل مثكله دولمه وسمك ونمنمات ويتوزعن الحبايب مجاميع كل اثنين ثلاثه بغرفه لو يبسبسن لو وحده تاخذ للاخرى خيط على شويه غيبه على هاي ثوبها طويل وذيج كصير حتى تصير الساعه بالاربعة واتدك صافرات الرحيل وساعة الوداع وتمطر العيون دموع والحلوك بوسات مع تثبيت موعد الجمعة الجاية وين وساعه بيش وشيجيبون واشيطبخون وبعد وداع آخر مجموعة تتحزم ام البيت للتنظيف كنس ورش وترس علاليك من المخلفات وبخور من جديد ومن تدخل صدفة لغرفة الحجيه تلكا الكحل سايل ويا دموعها وتسال ها يمه خير ؟ يجيك الجواب : سلامتك يمه الجمعه خلصت بساع وماشبعت منهم شوف وتحاول تخفف عنها من تكوللها الجمعة جايه واشبعي بيهم شوف وتضحك وتبوسك وكلمة ان شاء الله . هاي الجمعة التستاهل جمعة مباركة مو جمعتنا هسه الصارت تشبه السبت ومابيها لا طعم ولا حتى ريحة سمك وفوكاها من دون الأيام بيها حظر ووووو ووووو وهم ميخالف .. جمعه مباركه . .

المهدي بين الانتظار والظهور / راضي المترفي
من يهز كاروك الدولار ؟ / راضي المترفي

المنشورات ذات الصلة

 

شاهد التعليقات

( أكتب تعليق على الموضوع )
زائر
الأربعاء، 14 نيسان 2021

صورة كابتشا

By accepting you will be accessing a service provided by a third-party external to https://iraqi.dk/

أخر مقال نشر للكاتب

  الأحد، 28 آذار 2021
  148 زيارة

اخر التعليقات

زائر - احمد يوسف مصطفى حديث علي نار هادئة / محمد سعد عبد اللطيف
07 نيسان 2021
Freedom Mortgage Corp هي شركة خدمات إقراض جيدة جدًا ؛ لقد أجروا بحثًا ...
زائر - احمد يوسف مصطفى حديث علي نار هادئة / محمد سعد عبد اللطيف
07 نيسان 2021
Freedom Mortgage Corp هي شركة خدمات إقراض جيدة جدًا ؛ لقد أجروا بحثًا ...
زائر - مصطفى محمد يحيى حديث علي نار هادئة / محمد سعد عبد اللطيف
04 نيسان 2021
شكرا جزيلا [Freedom Mortgage Corp ؛ البريد الإلكتروني على: usa_gov@out...
زائر - عباس عطيه البو غنيم بحيرة البط في كوبنهاكن تجمدت وأصبحت ساحة ألعاب
21 شباط 2021
حقاً سيدي يوم جميل بين جائحة كورونا وبين متعة الحياة التي خلفتها الطبي...
زائر - حسين يعقوب الحمداني الولايات المتحدة.. نقل السناتور الذي سيترأس جلسات محاكمة ترامب إلى المستشفى
30 كانون2 2021
الأخبار الأمريكية أخبار لاتتعدى كونه كومة تجارية أو ريح كالريح الموسمي...

مقالات ذات علاقة

يروي ما نقل لنا من تاريخنا, أن العرب وصلوا مرحلة من التراجع, الأخلاقي والإجتماعي, خلال فتر
4676 زيارة 0 تعليقات
يذهب البعض الى ان  مؤتمرات التقريب بين المذاهب الاسلامية هي مؤتمرات رتيبة تعبر عن الترف ال
5050 زيارة 0 تعليقات
اطفال يتلكمون الفصحى (ماتموتين احسن الك ) لايخفى للمتتبع للعالم الذي يحيط بنا ما للقنوات ا
4654 زيارة 0 تعليقات
فوجئنا خلال الأيام القليلة الماضية بخبر اندلاع النيران في مبني صندوق التأمين الاجتماعي لقط
4457 زيارة 0 تعليقات
من المفارقات العجيبة التي تحصل في العالم الإسلامي ان كل الفرق والطوائف الإسلامية تدعي التو
4646 زيارة 0 تعليقات
كانت وما تزال ام المؤمنين خديجة (عليها السلام ) من النساء القلائل التي شهد التاريخ لهن بال
4783 زيارة 0 تعليقات
استقبال العام الجديد بنفسية جيدة وبطاقة إيجابية امر مهم، والبعد قدر الإمكان عن نمط التفكير
5114 زيارة 0 تعليقات
عش كل يوم في حياتك وكأنه آخر أيامك، فأحد الأيام سيكون كذلك".   ما تقدم من كلام ي
4660 زيارة 0 تعليقات
عن طريق الصدفة- وللصدفة أثرها- عثرت على تغريدة في مواقع التواصل الاجتماعي، للسيد احمد حمد
5377 زيارة 0 تعليقات
دستوريا يجوز الغاء مجالس الاقضية والنواحي وتعيين قضاة في مجلس مفوضية الانتخابات وتقليص عدد
6219 زيارة 0 تعليقات

 

 

                                                                                                    

 

                                       عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. -     المقالات  التي  تنشر  في الشبكة  تعبر عن  رأي الكاتب  و المسؤولية  القانونية  تقع  على عاتق  كاتبها    /    الاتصال